Kjo e ditëve tona njihet si me të vërtetë si epoka e ekranit, në të cilën ne jemi pothuajse të detyruar të shpenzojmë çdo ditë mes smartphone-ave, kompjuterëve dhe tabletave. Ne, gjithashtu, i ndajmë këto mjete teknologjike edhe me fëmijët tanë, madje deri në fazën e vogëlushëve.

Sidoqoftë, një studim i ri ka treguar që këto ekrane shkaktojnë ndryshime strukturore në mendjen e fëmijëve parashkollorë, veçanërisht në pjesët që shoqërohen me gjuhë dhe aftësi të tjera shkrim-lexim.

Sipas një artikulli të botuar në Science Daily, studimi u bazua në skanimet e MRI-ve të 47 fëmijëve të shëndetshëm midis moshave 3 deri në 5 vjeç. Edhe pse studimi nuk zbuloi dot me saktësi si ndikon koha e ekranit në tru, ai tregoi se fëmijët që kalonin më shumë kohë në ekran kishin integritet strukturor më të ulët sesa pjesa tjetër e fëmijëve.

Studimi ngre pyetje nëse të paktën disa aspekte të përdorimit të ekraneve, të bazuara në fëmijërinë e hershme, mund të ofrojnë stimulim nënoptimal gjatë kësaj gjendjeje të shpejtë, formuese të zhvillimit të trurit”,- tha Dr. John Hutton, drejtor i “Reading & Literacy Discovery” në spitalin e fëmijëve “Cincinnati” dhe autori kryesor i studimit: “Ndërsa ne nuk mund të përcaktojmë akoma nëse koha e ekranit i shkakton këto ndryshime strukturore ose nënkupton rreziqe afatgjata neuro-zhvillimore, këto rezultate kërkojnë studim të mëtejshëm për të kuptuar se çfarë kuptojnë dhe si të vendosim kufijtë e duhur në përdorimin e teknologjisë.”